Leita á in.fo

Hildur Clementsen (th) dregur vinnandi seðilin. Hallbjørg Hansen ansar eftir, at alt fer rætt fram.

Danjal av Rana 04.12.2018 (16:39)

Skálamaður fekk 12.500 krónur fyri nólsoyartosk

Týsdagin 4. desember 2018 var lutakast um 12.500 kr millum teirra, sum høvdu latið fiskamerkir inn seinasta árið. Vinnarin gjørdist Sjúrður Joensen av Skála, skrivar Havstovan.

 

Toskurin við vinnandi merkinum varð merktur 15. oktober 2017 eystan fyri Nólsoy og var fingin við línu á nærum sama staði 15. januar 2018. Toskurin vaks 2 cm í hesum tíðarskeiðnum.

 

Lutakastið varð hildið í Vinnuhúsinum á Óðinshædd í Havn. Hildur Clementsen tók tann vinnandi seðilin. Hallbjørg Hansen frá Landsgrannskoðanini helt eyga við, at lutakastið fór fram á rættan hátt.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her