Á Eiði og kring sundalagið kunnu tey fegnast. EB skal spæla FM-fjórðingsfinalu í SMS-deildini.
Hetta gjørdist veruleiki tá Stjørnan í kvøld á heimavølli tapti greitt 27-34 fyri VÍF í KÍ-høllini í Klaksvík. Í steðginum var VÍF á odda 15-10.
Iuliia Nalivko var toppskjútti hjá Stjørnuni við níggju málum. Toppskjútti hjá VÍF var Agnas Funn við 10 málum.
EB hevur 11 stig á sætta plássinum, og Stjørnan hevur átta stig á sjeynda plássinum. Stjørnan hevur bert ein dyst eftir í grundspælinum, og tær kunnu tí í mesta lagi røkka 10 stigum. So kapprenningin um sætta plássið og FM-fjórðingsfinaluplássið er liðug.
HER er dómaraseðilin frá HSF frá dystinum Stjørnan-VÍF 27-34 (10-15):
##med2##
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
KYNDIL | 20 | 668 | 492 | 176 | 37 |
NEISTIN | 19 | 594 | 490 | 104 | 28 |
H71 | 19 | 597 | 515 | 82 | 25 |
STÍF | 18 | 524 | 512 | 12 | 22 |
VÍF | 20 | 594 | 562 | 32 | 22 |
EB | 19 | 490 | 573 | -83 | 11 |
STJØRNAN | 20 | 498 | 627 | -129 | 8 |
VB | 19 | 446 | 640 | -194 | 1 |