Smyril og Teistin mugu aftur avlýsa fyri veður í dag

Tað er rættiliga nógvur vindur, og hann er landsynningur, sum er ringasta ætt hjá Smyrli at sigla úr Havn til Suðuroyar. Tað er eisini ringt um Skopunarfjørð.

Og tað hevur Strandferðslan nú tikið avleiðingarnar av, og sostatt er avgjørt at leggja Smyril og Teistan nú fyrrapartin. Men hann minkar vindin rættiliga skjótt nú fyrrapartin, so tað verður ikki leingi, at skipini liggja.

Smyril fór at Krambatanga nú klokkan seks í morgun, sum ætlað. Men túrurin úr Havn nú klokkan 8.30 til Suðuroyar, er avlýstur, og sostatt er ferðin av Krambatanga til Havnar klokkan 11 eisini avlýst. Sostatt siglur Smyril ikki aftur fyrr enn hann fer úr Havn klokkan 13.30, sum hann eigur eftir verðaætlanini og restina av degnum siglur hann eftir ferðaætlanini, sigur Strandferðslan

Teistin siglur ikki aftur, fyrr enn hann úr Skopun klokkan 10.30, og tá verður siglt eftir ferðaætlanini, tað ið eftir er av degnum, men tað verður ikki siglt út í Hest nú klokkan 08.45, sigur Strandferðslan.