Dagarnir verða hampuliga góðir, men tað verða eisini onkrar løtur við regni um vikuskiftið. Tað verður lítið av vindi og eisini sólglottar av og á.
DMI sigur, at í dag vera 2-7 m/s av suðri, seinni av landsynningi. Samdrigið og turt fyri tað mesta, onkrar løtur kann sólin kaga fram. Í kvøld 5-10 m/s av landsynningi. Samdrigið og út á náttina regn av vestri. Hitin millum 9 og 12 stig.
Sunnudagin verða 2-7 m/s av suðri og útsynningi. Samdrigið og regn, men út á dagin klárari og nakað av sól. Um náttina 5-10 m/s, samdrigið og ælaveður. Hitin millum 8 og 13 stig.