Leita á in.fo

Eyðun Klakstein 25.01.2017 (19:25)

Steinprent fekk heiðursgávu landsins

Heiðursgáva landsins, sum er 75.000 krónur, varð í kvøld latið Steinprenti. Heiðursgávan verður latin onkrum, ið hevur virkað til frama fyri mentanarlig virði, sum hava týdning fyri føroyska mentan, list og mentanararv. 

Steinprent er listaverkstaður, sum húsast í Østrøm bygninginum í Havn. Steinprent byrjaði sítt virksemi í 1999 í leigaðum hølum á Listasavninum, men í 2009 flutti verkstaðurin í Østrøm á Skálatrøð.

Steinprent hevur rúmlig høli, sum bæði kunnu brúkast til arbeiða við list í og at sýna verk fram. Steinprent verður javnan biðið um at skipa fyri framsýning bæði heima og burturi. 

Jan Andersson og Fríða Matras Brekku, sum dríva Steinprent, tóku ímóti heiðursgávuni. 

 

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her