Ein persónur hevur játtað seg sekan í at hava stolið tvær vínfløskur á einum gistingarhúsið í Havn.
- Vit fingu boðini í gjár, men hendingin var helst farin fram kvøldið fyri.
Vaktleiðarin visti í morgun at siga, at talan var ikki um innbrot, men um tjóvarí á gistingarhúsinum.
- Viðkomandi persónur er skuldsettur í málinum og hevur játtað seg sekan, verður lagt aftrat.
Í gjár fekk løgreglan eisini eina fráboðan um, at ein bilur í parkeringskjallaranum í SMS hevð fingið onkra skeinu.
- Eingin hevur boðað frá hendingini, og tí veit bileigarin ikki, hvør hevur borið við parkeraða bilin, sigur løgreglan.
Vaktleiðarin leggur aftrat, at í Skálafirði varð ein ær yvirkoyrd í gjár.
- Ærin doyði á staðnum, og bóndin hevur fingið boð um hendingina, visti løgreglan at siga í morgun.
