Leita á in.fo

Danjal av Rana 07.12.2017 (08:21)

Streymslit vestanfyri

Streymurin er farin í Miðvági, Sandavági, Kvívík, á Stykkinum og í Leynum í morgun, sigur Eirikur Norðberg, vakthavandi á SEV við Miðlahúsið.

 

Orsøkin til streymslitið er illveðrið, sum rakti landið tíðliga í morgun. Nógvur klaki er lagstur á linjurnar í hæddunum, og tí er streymurin farin.

 

- Fólk eru á veg at loysa trupulleikan. Ætlanin er at kobla um, og vit vænta, at innan ein tíma hava tey allarflestu, um ikki øll, fingið streymin aftur, sigur Eirikur Norðberg.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her