Tað vóru føroyska Armgarð av Regni og bretski Laurence Shalei ið gjørdust vinnararnir av Burn Showdown Strongwoman og Strongman kappingunum í gjárakvøldið.
Armgarð av Regni luttók í Burn Showdown í fjør, og er hetta sostatt hennara næsta ár í kappingini. Armgarð av Regni gjørdist nummar 2 í fjør, og er tískil ógvuliga væl nøgd við úrslitið í ár.
- Eg eri ordeliga væl nøgd, eg havi vant í Burn Klassik í tvey ár. Eg var við í fjør, og vildi so við aftur í ár tí eg vildi blíva nummar eitt, sigur Armgarð av Regni. Kappingin var ótrúliga hørð, man kemur so ikki sovandi framm kann man siga. Eg setti eisini eitt persónligt met í ár, við at lyfta 167.5 kg í deadlift, so hetta var bara framúr.
Laurence Shahlei er úr Bretlandi og hevur luttikið á Burn Showdown fimm ferir áður, og hevur eisini vunnið heiti sum strongman undanfarnu ár. Laurence Shahlei var eisini við í Burn Showdown fjør, men megnaði ikki at gerðast nummar eitt tá.
- Eg havi verið her fimm fer, seinast eg vann var fyri tveimum árum síðan. Í fjør var eg eisini við, men eg kom til skaða eftir tað fyrstu kappingina og megnaði tískil ikki at vinna, sigur Laurence Shahlei. At koma aftur í ár og síðani at vinna er ein ótrúligur heiður, leggur hann afturat. Kappingin í ár var ógvuliga tung fyri hondina og takið, tað er gott fyri meg tí eg klári meg væl í slíkum kappingum, men fleiri av luttakarunum komu tíanverri til skaða av tí sama. Kappingar til slík tiltøk eru skiftandi, í ár var eg bara heppin at tað vóru kappingar sum eg klári meg væl í, sigur Laurence Shahlei.