Leita á in.fo

Barbara Holm 09.02.2017 (13:47)

Súni Schwartz: Betri sak enn nakrantíð móti Astrup

Taks er komið til eina endaliga niðurstøðu, sum ikki gevur Eik banka nakran skattafrádrátt. Hetta kann líkjast áskoðanini hjá Jørn Astrup Hensen, fyrrverandi stjóri í sama Eik banka.

 

Men hóast hetta hava Súni Schwartz Jacobsen og Eik banki ongar ætlanir um at sleppa sakarmálinum móti Jørn Astrup Hansen.

 

- Vit eru løgd undir at hava bidrigið og snýtt í skatti. Tað er ein alvorlig ákæra í móti einum banka og einari bankaleiðslu, og tað kunnu vit ikki hava sitandi á okkum, sigur Súni Schwartz Jacobsen við Kringvarpið í dag.

 

 

 

Víðari staðfestir hann, at bankin ikki leggur seg út í eitt rættamál fyri stuttleika.

 

 

- Vit meina og halda, at hetta er gingið okkum ov nær, og vit finna okkum ikki í at vera spilt út, sigur Súni Schwartz sum staðfestir, at nú er tað ein danskur dómari, sum eigur síðsta orðið.

 

 

Almenningurin fær ikki innlit í, hvørjar upplýsingar liggja til grund fyri nýggjastu avgerðini hjá Taks, men Súni Schwartz Jacobsen sigur, at hann er við gott mót.

 

 

- Eg kann heilsa og siga, at Taks í niðurstøðuni ikki tekur undir við tí, sum Jørn Astrup hevur ført fram. Tí hava vit betri sak enn nakrantíð, heldur bankastjóri. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her