fyrst og fremst

alt text

Veðrið í dag:

Hiti 6°C

Vindur 13.3m/s

Leita á in.fo

12 mans eru við Borgaranum, og teir skiftast - tríggir í senn - at hava landingartørn. Mynd: TJ-myndir.

Vilmund Jacobsen 13.09.2017 (13:46)

Tað gekk bæði skjótt og væl

Umborð á Borgaranum, sum í gjár landaði umleið 800 tons av makreli til Faroe Pelagic í Kollafirði, vita teir at siga, at nógvur makrelur hevur verið at síggja.

 

Sambært Facebook-síðuni hjá Føroysku Sjómansmissiónini hevur Borgarin fiskað hesi 800 tonsini av makreli saman við ísfiskatrolaranum, Ametyst.

 

- Tað gekk bæði skjótt og væl at fáa makrelin - og so hevur veðrið eisini verið til vildar. Støddin á makrelinum er góð; hon liggur millum 400 og 500 gram.

 

Føroyska Sjómansmissiónin, sum hevur vitjað umborð á Borgaranum, veit eisini at siga, at 12 mans eru við skipinum. Manningin skiftist um at hava landingartørn, og tríggir av manningini landa hvørja ferð.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her