Í kvøld fara tey at vála í Vestmanna. Hetta er tiltak við konsertum á fýra ymiskum støðum, samanlagt átta framførslur.
Tey, sum fara at spæla í ár, eru Døgg Nónsgjógv, Jazzygold, Sakaris og Tinganest. Tey spæla á ymiskum støðum í Vestmanna og hava tvær konsertir hvør. Hvør konsert verður millum 30 og 40 minuttir long.
Døgg Nónsgjógv spælir í kirkjuni í Vestmanna. Jazzygold hevur sínar framførslur í Vektarbúðini. Sakaris spælir á Staðnum. Og Tinganest hava sínar konsertir í Silkienni.
Konsertirnar eru forskotnar, og tí ber til at uppliva fleiri av teimum í gjøgnum kvøldið. Tann fyrsta konsertin er klokkan 20 og tann seinasta, sum er við Tinganest, byrjar klokkan 22:20.
Fyrireikararnir siga, at eftir konsertirnar verður gjørligt at vála víðari á Disvoy og á Faer Isles Distillery.
