Eftir valið í Týsklandi í dag bendir alt á, at tríggir flokkar fara at samráðast um at skipa stjórn.
Stjórnarsamstarvið higartil millum konservativu DCU/CSU og javnaðarflokkin SPD tykist vera rokið.
Í staðin verður tosað um eina sokalla Jamaica-samgongu. Her nøkur fakta um hana:
– Í eini møguligari Jamaica-samgongu eru CDU, liberalu FDP og Tey Grønu.
– Navnið sipar til flokslitirnar – svart, gult og grønt – sum eru somu litir, sum í flagginum hjá Jamaica.
– Slík samgonga er ongantíð skipað áður í Týsklandi.
– Men nøkur dømi um slíkar stjórnir eru tó á landspartastigi. Fyrsta dømið var í Saarlandi, har hesir tríggir flokkar stjórnaðu saman frá 2009 til 2012. Í dag er Jamaica-stýri í Slesvig-Holstein.
– Forsætisráðharrin hjá CDU í landspartastjórnini í Slesvig-Holsten, Daniel Günther, hevur fyrr sagt, at eitt slíkt samstarv eisini hevði riggað væl í eini samveldisstjórn.
– Politiskt eru teir tríggir flokkarnir ósamdir á økjum, sum eitt nú ES, innflytarar og umhvørvi. Tað kann gera møguligar samráðingar um stjórnarsamstarv truplar.
Keldur: dpa og TT.
/ritzau/
