Leita á in.fo

Savnsmynd

Hallur av Rana 07.12.2017 (10:17)

Tríggjar skaðafráboðanir í Vestmanna

Boðað er frá fleiri skaðum kring landið, og eisini í Vestmanna hevur sløkkiliðið ríkiligt at gera við at hjálpa fólkum í ódnarveðrinum.


- Vit hava fingið fráboðan um tríggjar skaðar í bygdini. Eitt vindeyga er farið gjøgnum í einum húsum ovast í bygdini og eitt tak er í ferð við at loysna á einum bygningi niðri í fjøruni, greiðir leiðarin fyri sløkkiliðnum frá, tá vit tosaðu við hann.


Sløkkiliðsleiðarin vísir tó á, at veðrið kann blíva verri, um ættin snarar.


- Í støðum kann tað blíva verri, og tað kann blíva heilt ringt í summum støðum í bygdini, um vindurin heldur somu styrki og snarar í ein útnyrðing.  


In.fo fylgir støðuni. Um tit hava myndir ella tips viðvíkjandi ódnarveðrinum, eru tit vælkomin at senda tað til post(at)sosialurin.fo ella senda eini boð til Facebook síðuna hjá in.fo.  


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her