Leita á in.fo

Áki Bertholdsen 12.07.2018 (10:05)

Tveir mans fóru á sjógv í nátt

Hendan fyrsta náttin á G! festivalinum hevur verið rættiliga friðarlig. Løgreglan sigur, at tað einasta, tey hava havt at gera, var at fara eftir einum fullum manni, sum var ólátaður. Hann vassaði út í og var ikki grannhavandi og tískil varð hann handtikin og settur í brummuna í Klaksvík, har hann hevur sovið í nátt.

 

Annars er vælmannað lið av samarittum á G! og teir gera eitt stórt arbeiðið, sum eisini lættir munandi um hjá løgregluni.

 

Í nátt fór eisini ein maður á sjógv í Skálatrøð í Havn. Løgreglan fekk boð um hendingina frá fólki, men tá ið tey komu á staðið, var maðurin fingin upp á turt aftur. Sum vanligt er í slíkum førum, varð hann sendur á Landsjúkrahúsið til kanningar.  

 

Tá ið Norrøna kom til Havnar í gjár, varð ein minni nøgd av hassji funnið upp i á einum ferðafólki og viðkomandi er skuldsettur fyri at bróta lógina um rúsevni. Løgreglan sigur, at talan var um eina so lítla nøgd, at talan verður helst um eina bót.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her