Tveir persónar eru í nátt skuldsettir fyri rúsdrekkakoyring. Annar var tikin í Klaksvík klokkan 03.45, og hin var tikin í høvuðsstaðnum klokkan 05.15.
Løgreglan var eisini í Norðstreymoy og í Vágum í nátt. Ein skutari varð tikin klokkan 00:50. Tá hann var settur á rullufjølina hjá løgregluni vísti tað seg, at hann kundi koyra alt ov skjótt. Í Vágum var ein annar skutari tikin klokkan 02 í nátt, sum eisini vísti seg at kunna koyra alt ov skjótt. Í báðum førum vara talan um ferð upp á millum 60 og 70 km um tíman, sum er alt ov nógv. Slíkir skutarar mugu ikki koyra meira enn 30 km um tíman.
Í Klaksvík var ein persónur skuldsettur fyri brot á skilhaldsreglurnar. Tað var klokkan 03:45. Hesin persónur var ólátaður, ella "ljótur í talu", sum vaktleiðarin málbar seg. Hann verður skuldsettur og fær eina bót fyri tað.
