fyrst og fremst

alt text

Veðrið í dag:

Hiti 5°C

Vindur 16m/s

Leita á in.fo

Eyðun Klakstein 17.02.2017 (12:37)

Ung kvinna: Hjálp mær Føroyar

Ung kvinna í Hirtshals leitar eftir innivisti í Føroyum, tá ið hon í summar ætlar sær at vitja í Føroyum í óásetta tíð.

18 ára gamla Cecilie Østerø Grøne er hálv føroysk, og hon hevur postað eina heldur øðrvísi lýsing á sín Facebook-vanga.

- Føroyar, hjálp mær at koma avstað. Hjálpir tú mær at fáa tak yvir høvdið, bjóði eg tær heimsins bestu dreymakaku og gott kaffi, skrivar Cecilie í yvirskriftini.

Hon ynskir sær at vitja Føroyar, hiðani annað av hennara foreldrum er ættað. Hon kemur til Føroya 13. august og ætlar sær so at verða í Føroyum óásetta tíð.

Cecilie greiðir frá, hvussu hon er sum persónur, og hon vónar, at fólk Føroyum vilja læna henni eitt kamar ella eina minni íbúð í Havn at búgva í.

- Eg vóni, at tað er okkurt gott menniskja, sum vil hava ein glaðan og lívligan íspegil búgvandi í eina tíð, skrivar Cecilie Østerø Grøne.


Her kanst tú lesa hennara Facebook-post í fullum líki.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her