Leita á in.fo

(Mynd: Áki Bertholdsen)

Eyðun Klakstein 25.01.2017 (19:09)

Ung listakvinna úr Nólsoy heiðrað

Mentanarvirðislønir Landsins verða í kvøld latnar á samkomu á Seglloftinum á Tvøroyri.

Virðislønina til ungt listafólk fekk 21 ára gamla Anna Malan Jógvansdóttir úr Nólsoy, sum er búsitandi í Danmark. Anna Malan er fjølbroytt listakvinna, sum hevur fingist við fleiri listagreinar – eitt nú málningalist, sang og skriving.

Anna Malan Jógvansdóttir var í fjør upptikin á Rithøvundaskúlanum í Keypmannahavn. Bert tveir føroyingar eru upptikinir á skúlanum frammanundan. Vanliga søkja fleiri hundrað fólk inn á Rithøvundaskúlan í Keypmannahavn, men bert nøkur fá – eini seks til átta – fólk sleppa inn á skúlan á hvørjum ári.

Virðislønin til ungt listafólk varð fyrstu ferð varð latin í 2011. Virðislønin er áljóðandi 50.000 krónur og er ætlað at stuðla undir og stimbra ungum listafólki.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her