Onki bendir á, at tað var yvirgangur, tá ein bilur í dag rendi á mannamúgvu í New York.
Hinvegin skriva miðlar nú, at 12 persónar hava fingið skaða í hendingini, og ein persónur er deyður.
Bilurin koyrdi fyrr í dag við nógvari ferð inn í eina mannamúgvu á Time Square í New York. Beinanvegin fekk hetta fólk og myndugleikar at hugsa um yvirgang, men onki bendir á, at so er.
Hinvegin er nú illgruni um, at talan er um rúsdrekkakoyring.
Time Square er kent fyri mongu ljóslýsingarnar, og nógv ferðafólk leggja leiðina framvið, og gerandis ferðast millum 330.000 og 460.000 fólk á økinum.
