Sagrada Família, eyðkenda kirkjan í Barcelona, sum ikki er liðug enn, skuldi eftir øllum at døma vera mál í einum ógvusligum bumbuálopi
Spanskir miðlar skriva, at bólkurin, sum framdi álopið við vøruvogninum hósdagin, eisini ætlaði at bumba kirkjuna.
Tann gitni arkitekturin, Antonio Gaudí, var settur á uppgávuna í 1884. Hann broytti upprunaligu ætlanirnar fyri ta rómersk-katólsku nýgotiska byggiætlanina fullkomiliga.
Gaudí gjørdi kirkjuna í síumn serliga gotiska dámi við 107 metra høgu tornunum.
Tá Gaudí doyði í 1926 var bara hválvið, kórútbygningurin og Kristi føðing veggurin í tvørskipinum liðugt bygt.
Hóast ósemju um, hvørt Sagrada Familia skuldi vera verandi óliðug sum minni yvir arkitektin, varð byggiarbeiði tikin uppaftur í 1979 eftir upprunaligu ætlanini hjá Gaudí.
Í 2010 varð kirkjan vígd av Benedikt 16. páva. Byggingin væntast tó ikki endaliga liðug fyrr enn í 2026.
Sambært The New York Times hevði Sagrada Família longu í 1991 umleið 2,5 milliónir vitjandi um árið.
Keldur: Den Store Danske, The New York Times
/ritzau/
