Nýggi meirilutin í Tórshavnar býráð vil hava Heðin Mortensen at kalla býráðið saman nú, so tað kann skipa seg við at velja Anniku Olsen til borgarstjóra.
Sambært grein 26 stykki 3 í kommunuvallógini, so er tað fyrstvaldi býráðslimur, sum kallar nýggja býráðið saman. Tað skal hann gera, so býráðið skal skipa seg í seinasta lagi 31. desember, tí nýggja býráðið tekur við 1. januar.
Fyrstvaldi býráðslimur er tann persónur, sum á listanum við flestum atkvøðum – fekk flestar atkvøður.
Javnaðarflokkurin fekk á býráðsvalinum 4.764 atkvøður, sum svarar til 39,2 prosent. Og flestar atkvøður á javnaðarlistanum fekk Heðin Mortensen, sum fekk 2.506 persónligar atkvøður.
In.fo hevur roynt at fingið eina viðmerking frá Anniku Olsen í morgun, men hon tekur ikki telefonina. Men Heðin Mortensen váttar, at hann hevur fingið eina slíka áheitan.
– Eg havi ikki tikið støðu til tað enn. Fyrst skulu vit avgreiða fíggjarætlanina fyri komandi ár, sum vit hava arbeitt við seinastu dagarnar, so taki eg støðu til tað aftaná, sigur Heðin Mortensen.
Á býrásðfundi í kvøld skal Tórshavnar býráð samtykkja fíggjarætlanina fyri 2017.
---
Niðanfyri sæst í hvørji nummarrøð teir 13 býráðsliminir í Havn vórðu valdir á valinum 8. november í ár:
1. | Heðin Mortensen | Javnaðarflokkurin | 2.506 atkvøður |
2. | Gunvør Balle | Tjóðveldi, Tjóðveldi | 514 atkvøður |
3. | Tróndur Sigurðsson | Javnaðarflokkurin | 676 atkøvður |
4. | Marin Katrin Frýdal | Tjóðveldi | 468 atkøvður |
5. | Annika Olsen | Fólkaflokkurin | 332 atkøvður |
6. | Bjørghild Djurhuus | Javnaðarflokkurin | 218 atkøvður |
7. | Annfinn Brekkstein | Sambandsflokkurin | 366 atkøvður |
8. | Helena Dam á Neystabø | Javnaðarflokkurin | 145 atkvøður |
9. | Jákup Dam | Tjóðveldi | 417 atkøvður |
10. | Bergunn Kass | Framsókn | 188 atkøvður |
11. | Halla Samuelsen | Javnaðarflokkurin | 143 atkvøður |
12. | Turið Horn | Tjóðveldi | 385 atkvøður |
13. | Bogi Andreasen | Fólkaflokkurin | 303 atkøvður |
Úrslitið á valinum í Havn eftir fínteljingina var hetta:
(fíntalt) | Kommunuval 8. november |
|
|
|
Flokkur | Atkvøður | % | Vald |
|
A. | Fólkaflokkurin | 1.659 | 13,7 | 2 |
B. | Sambandsflokkurin | 1.209 | 9,9 | 1 |
C. | Javnaðarflokkurin | 4.764 | 39,2 | 5 |
E. | Tjóðveldi | 3.378 | 27,8 | 4 |
F. | Framsókn | 1.094 | 9 | 1 |
G. | Uttanflokkalistin | 48 | 0,4 | 0 |
Atkvøður |
| 12.197 |
| Blankar/Ógild. |
Valrætt/Valluttøka |
| 15.340 | 79,50% | 37/8 |