Tað gekk misjavnt hjá teimum trimum føroyinga-liðunum í næstbestu donsku fótbóltsdeildini í dag.
Viljormur Davidsen var við frá byrjan, tá Vejle vann ein góðan 3-1 heimasigur á Viborg. Øll málini komu í fyrra hálvleiki.
Allan Sousa legði Vejle á odda tíðliga í dystinum, og Dominic Vinicius stóð fyri øllum hinum trimum málunum. Fyrst økti hann til 2-0 og 3-0, og so megnaði hann eisini beint undan steðginum at gera sjálvmál, so støðan var 3-1 til Vejle. Hendan støðan helt sær dystin út, og Vejle er aftur oddalið í næstbestu donsku fótbóltsdeildini.
Nærmasti kappingarneytin, Thisted FC tapti á heimavølli 0-1 ímóti Nykøbing FC. Jákup Thomsen byrjaði ikki inni fyri Thisted í dag, men kom inn á vøllin tá ein hálvur tími var eftir av vanligu leiktíðini.
Heini Vatnsdal var við frá byrjan, og Finnur Justinussen kom inn seinasta korterið, tá Fremad Amager á útivølli tapti 2-5 ímóti Esbjerg. Tá seinni hálvleikur var hálvrunnin var støðan 1-1, men seinastu løtuna skrædnaði tað í verjuni hjá Fremad Amager.
Komandi sunnudag tekur Fremad Amager ímóti Roskilde FC. Vejle spælir grannauppgerð á útivølli ímóti Fredericia, og Thisted spælir á útivølli ímóti Viborg.
Støðan í næstbestu donsku fótbóltsdeildini, sum er hugalig sæð við føroyskum eygum:
1
13
10
27
2
14
7
27
3
14
8
23
4
13
8
23
5
13
4
19
6
14
2
19
7
14
0
18
8
14
-11
17
9
13
2
16
10
12
-6
15
11
14
-18
12
12
14
-6
10