fyrst og fremst

alt text

Veðrið í dag:

Hiti 8°C

Vindur 6.4m/s

Leita á in.fo

Danjal av Rana 11.07.2018 (21:07)

Vitaskipið vitjar eisini í Havn

Í gjárkvøldið kom kom forvitnisliga savnsskipið, Gamle Oksøy á Havnina. Skipið er partur av Lindesnes Fyrmuseum.

 

Skipið bleiv bygt í Haugesund í 1962. Tað bleiv brúkt til at viðlíkahalda vitar, lampur og merki við norsku strondina og førdi millum annað parafin og gass til mongu vitarnar.

 

Skipið var í tænastu til 1996, tá tað bleiv norsku vitarnir skiftu til battarí- og sólorku. Í 1997 bleiv skipið givð sum gáva til Bredalsholmen Dokk og Fartøyvernsenter, og í 2014 bleiv tað umbygt til savnsskip.

 

Skipið er mest sum ongantíð broytt síðani tað bleiv bygt og nýggju eigararnir royna at varðveita tað í sama standi. Nú verður tað nýtt sum søguligt savn til at kunna um vitaarbeiðið við norsku strondina.

 

M/S Gamle Oksøy verður liggjandi á Havnini til fríggjamorgunin 13. juli.

 

Í morgin verður høvið hjá øllum áhugaðum at koma umborð at síggja skipið. Møguleiki er eisini at vitja framsýningina um tað norska sjókervið.

 

Opið er hósdagin frá kl.10-12 og aftur frá kl.14-18. Tað er ókeypis at vitja umborð.

 

Vitja heimasíðuna hjá Lindesnes Fyrmuseum og fá meira at vita um M/S Gamla Oksøy:

http://www.lindesnesfyr.no/

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her