Toyota er framvegis mest seldi bilur í Føroyum. Eisini 10 teir fyrstu mánaðirnar í ár, vísa hagtøl frá Akstovuni.
Tá vit seinast gjørdu upp bilasøluna í Føroyum eftir níggju teir fyrstu mánaðirnar, var Toyota klárt á odda sum mest seldi bilur í Føroyum. Men nú er støðan ikki eins eyðsýnd.
Tá setpember varð uppgjørdur, var Toyota á odda við 19 fleiri seldum bilum enn Volkswagen. Nú eru teir bara tríggjar bilar frammanfyri.
Soleiðis liggur Volkswagen nú á øðrum plássi og á triðja plássi kemur Citroen.
Hyggja vit eftir søluni 10 teir fyrstu mánaðirnar í ár borið saman við alt árið í fjør, so eru tað serliga tvey bilmerki, Renault og Volkswagen, sum hava selt fleiri bilar teir 10 mánaðirnar í ár enn alt árið í fjør. Og har er tað serliga Renault, sum hevur selt 38,2 prosent fleiri bilar í 10 mánaðir í ár enn í alt fjør.
Talvan niðanfyri vísir mest seldu bilarnar fyrst 10 teir fyrstu mánaðirnar í ár – borið saman søluna í fjør:
| Jan-okt 2017 |
| Jan-des 2016 |
|
|
| Bilmerki | tal | Bilmerki | Tal | munur % |
2 | TOYOTA | 271 | TOYOTA | 315 | 86,0 |
3 | VOLKSWAGEN | 268 | VOLKSWAGEN | 259 | 103,5 |
4 | CITROEN | 231 | CITROEN | 269 | 85,9 |
5 | NISSAN | 228 | NISSAN | 239 | 95,4 |
6 | FORD | 152 | FORD | 217 | 70,0 |
7 | RENAULT | 123 | RENAULT | 89 | 138,2 |
8 | MITSUBISHI | 120 | MITSUBISHI | 183 | 65,6 |
9 | MERCEDES-BENZ | 92 | MERCEDES-BENZ | 105 | 87,6 |
10 | KIA | 83 | KIA | 86 | 96,5 |
1 | – | – | OPEL | 89 | – |