13 ára gamli Luitjen A. Apol gjørdi bart

- Luitjen man vera mest gávaði unglingurin í føroyskari telving í dag

Tveir ernir feðgar. Vinstrumegin Luitjen Akselson Apol, sum bara 13 ára gamal hevur vunnið 1. bólk í stórum stíli.

Tveir ernir feðgar. Vinstrumegin Luitjen Akselson Apol, sum bara 13 ára gamal hevur vunnið 1. bólk í stórum stíli.

Kanska lutfalsliga besta einstaka avrikið í allari kappingini var tað hjá hinum 13 ára gamla Luitjen A. Apol í 1. bólki. Hann fekk 6½ av sjey stigum í alt og sigraði í stórum stíli, skrivar Talvsambandið í tíðindaskrivi um FM-kappingina og altjóðakappingina, sum hevur verið seinastu dagarnar.

- Luitjen man vera mest gávaði unglingurin í føroyskari telving í dag. Hann tykist hava rætta viljan og hugburðin, so spennandi verður at fylgja hansara gongd í komandi tíðum. Luitjen er abbasonur navnan, sum í síni tíð var í fremstu røð í føroyskari telving, verður millum annað skrivað.

Í almenna bólkinum vóru fleiri um boðið, men Heðin Gregersen úr Klaksvíkar Talvfelag var tann drúgvasti, tá ið til stykkis kom. Í unglingabólkinum var 11 ára gamli Elias Petersen leingi á odda, men í endaspurtinum fekk Benjamin Reinert Fjallheim hann aftur og streyk avstað við FM-heitinum.

1. bólkur (8 telvarar)

1. Luitjen A. Apol, HT 6½ stig

2. Leif Reinert Fjallheim, HT 5

3. Jóanes Vitalis Hansen, HT 4

 

Almennur bólkur (12 telvarar)

1. Heðin Gregersen, KTF 5½

2. Sjúrður Olsen, VT 5

3. Jaspur T. Gaard, HT 4½

 

Unglingar (8 telvarar)

1. Benjamin Reinert Fjallheim, HT 6

2. Elias Petersen, HT 5½

3. Flóvin Matras Tummasarson, KTF 5½

Tveir ernir feðgar. Vinstrumegin Luitjen Akselson Apol, sum bara 13 ára gamal hevur vunnið 1. bólk í stórum stíli.