27 umfør: KÍ oftari í Gundadali enn B36 við Djúpumýru

B36 hevur 9 av 14 kappingarárum við 27 umførum havt tveir heimadystir og ein útidyst móti KÍ

KÍ hevur ferðast oftari til Havnar at spæla móti B36, enn KÍ hevur ferðast til Klaksvíkar síðani vit fóru yvir til 27 umfør í bestu mansdeildini (Savnsmynd)

KÍ hevur ferðast oftari til Havnar at spæla móti B36, enn KÍ hevur ferðast til Klaksvíkar síðani vit fóru yvir til 27 umfør í bestu mansdeildini (Savnsmynd)

Meðan KÍ oftari hevur havt lutakastseydnuna við sær í kappingarskipanini, tá teir hava møtt HB gjøgnum 14 kappingarár við 27 umførum í bestu mansdeildini, so er støðan ein onnur við B36.

Síðani vit fóru yvir 27 umfør í bestu mansdeildini í fótbólti hava B36 og KÍ spælt 42 dystir í bestu mansdeildini gjøgnum 14 kappingarár í 2005-2009, og 2011-2019. Í 2010 var KÍ niðri í 1. deild og vendi. 

Tað verður ofta tikið til, at KÍ og B36 spæla best móti hvørjum øðrum á útivølli. Serliga í fjør var hetta galdandi, tá KÍ vann tvær ferðir 3-0 á B36 í Gundadali, meðan heimadysturin  við Djúpumýru var taptur 0-2.

23 av teimum 42 dystunum millum B36 og KÍ hesi 14 kappingarárini í bestu mansdeildini eru spældir í Gundadali, meðan 19 eru spældir við Djúpumýru.

KÍ stendur til tveir heimadystir móti B36 hetta kappingarárið, so um tað eydnast at gjøgnumføra kappingina við 27 umførum verður "støðan" 24-21 til Gundadal móti Djúpumýru, tá talan er um dystir millum B36 og KÍ í bestu mansdeildini gjøgnum 15 kappingarár við 27 umførum.  

(Kelda: FaroeSoccer)

HER  kann lesast um býtið millum NSÍ og Víking í bestu mansdeildini.

HER  kann lesast um býtið millum KÍ og HB í bestu mansdeildini.

HER  kann lesast um býtið millum Víking og ÍF í bestu mansdeildini.

KÍ hevur ferðast oftari til Havnar at spæla móti B36, enn KÍ hevur ferðast til Klaksvíkar síðani vit fóru yvir til 27 umfør í bestu mansdeildini (Savnsmynd)