41 ára gamli liðformaðurin skoraði

1. DEILD: B71 og teir næstbestu hjá HB spældu seinnapartin javnt í Gundadali

41 ára gamli Clayton Soares saman við 20 ára gamla soninum. Teir spæla báðir við B71

41 ára gamli Clayton Soares saman við 20 ára gamla soninum. Teir spæla báðir við B71

24. november verður hann 42 ár, men hann er framvegis eyðsýndur fótbóltsspælari.

So mikið drúgvan álitismann halda sandoyingar hann vera, at hann nú er liðformaður í B71.

Talan er um Clayton Soares, sum sambært faroesoccer.com hevur spælt 386 dystir í føroyskum kappingum.

Í dag endaði tað 1-1, tá ið Clayton Soares og B71 vóru í Gundadali og spældu ímóti teimum næstbestu hjá HB.

Clayton Soeres legði B71 á odda dygst undan steðginum, tá ið hann eftir innlegg úr vinstru frá Kristian Krog Hentze hálvfluktaði bóltin í málið.

Átta minuttir eftir steðgin javnaði Jógvan Skeel Nolsøe. Tað var eftir flatt innlegg úr vinstru.

Millum HB spælararnar var hjálparvenjarin Kevin Schindler.

HB tapti í fyrsta umfari 2-0 í Runavík. Í triðja umfari skal HB spæla í Sørvági.

B71 hevur tvær ferðir spælt 1-1. Í fyrsta umfari var tað á heimavølli ímóti 07 Vestur. Í triðja umfari fær B71 vitjan av AB.

41 ára gamli Clayton Soares saman við 20 ára gamla soninum. Teir spæla báðir við B71