90 børn á fótbóltsskúla í Sørvági

Umleið 90 børn í aldurinum 6 til 14 ár luttóku, tá FSF hósdagin og fríggjadagin

Umleið 90 børn og ung tóku lut á fótbóltsskúla á Dungasandi í Sørvági - Mynd: Fróði Poulsen

Umleið 90 børn og ung tóku lut á fótbóltsskúla á Dungasandi í Sørvági - Mynd: Fróði Poulsen

Umleið 90 børn í aldurinum 6 til 14 ár luttóku, tá FSF hósdagin og fríggjadagin, í samstarvi við 07 Vestur, skipaði fyri fótbóltsskúla í Sørvági.

- Sum heild gekk sera væl. Hósdagin var veðrið gott, og nógvar góðar venjingar vóru á skránni. Fríggjadagin regnaði illa, og tað setti dám á dagin. Men eg haldi at allir luttakararnir hugnaðu sær og fingu nógv burtur úr, sigur Christina Ravnsfjall, Grassroots-samskipari hjá FSF.

Hósdagin og fríggjadagin var fimti og seinasti fótbóltsskúlin, ið Fótbóltssamband Føroya hevur skipað fyri í ár, á skránni á Dungasandi í Sørvági. Umleið 90 børn í aldurin 6 til 14 ár luttøku á fótbóltsskúlanum, sum var fyriskipaður í samstarvi við 07 Vestur.

Fyrr í ár hevur FSF skipað fyri fótbóltsskúla í Havn, á Toftum, á Eiði og á Argjum. Tilsamans hava umleið 540 børn og ung verið á FSF Fótbóltsskúla í ár.

Umleið 90 børn og ung tóku lut á fótbóltsskúla á Dungasandi í Sørvági - Mynd: Fróði Poulsen