Brasil kærir leikbannið hjá Thiago Silva

(HM 2014) Brasilska fótbóltssambandið hevur nú kært leikbannið hjá liðskiparanum Thiago Silva.

Liðskiparin hjá Brasil, Thiago Silva, fekk undir dystinum móti Kolumbia fríggjakvøldið gult kort. Gula kortið hevði við sær, at Thiago Silva er leikbannaður til hálvfinaluna móti Týskland týskvøldið.

Fótbóltssambandið hjá Brasil hevur nú kært leikbannið hjá Thiago Silva. Orsøkin er tann, at teir ikki meta, at Thiago Silva skuldi hava tað gula kortið í dystinum móti Kolumbia.

 

Við Skysports sigur Delia Fischer frá FIFA.

 

-          -      Eg kann váttað, at vit hava móttikið eina kæru frá tí brasilska fótbóltssambandinum. Kæran verður nú viðgjørd.

 

Dysturin millum Brasil og Týskland verður týskvøldið klokkan 21:00.