Allan og Áki vunnu endiliga á heimavølli

Íslendska hondbóltsfelagið KA, við tí føroysku høgru síðuni, hevur havt tað trupult heima á Akureyri í ár.

Í trimum heimadystum hevði KA bert fingið eitt stig áðrenn FH kom á vitjan á Akureyri í gjár.

Teir báðir føroyingarnir í KA, Allan Norðberg og Áki Egilsnes, kundu kortini fegnast um at hava vunnið tríggjar av fimm útidystum.

Á FM1 fríggjadagin gjørdi Áki Egilsnes greitt, at KA ætlaði sær at venda gongdini á heimavølli sunnudagin.

Sí eisini:

KA er við at stabilisera seg í bestu deildini (FM1)

Og í gjár kom so fyrsti heimasigurin. Teir báðir føroyingarnir skutu hvørt sítt mál í 31-27 sigrinum og klatraði nakað á stigatalvuni, har tað er tætt millum tey undir oddinum.

Tey bæði málini í part eru nakað færri enn vant. Høgri bakkurin, Áki Egilsnes er millum toppskjúttarnar í felagnum við 39 málum. Hann hevur spælt átta dystir.

Høgri vongurin, Allan Norðberg, hevur skotið 18 mál í sínum átta dystum.

Teir báðir føroyingarnir og KA fara til Reykjavíkar at spæla ímóti Vali mikukvøldið. Valur og KA liggja lið um lið mitt á stigatalvuni

Støðan í fremstu íslendsku deildini, Ólisdeildini, er soleiðis eftir vikuskiftið (hsi.is):'