Fótbóltspanelið: Ov nógvir pengar í føroyskum fótbólti?

Føroyskur pengafótbóltur, ÍF fingið bót, Nemanja Vidic og tipping fyri komandi umfar er á skránni

Mynd: (Álvur Haraldsen) Nemanja Vidic(t.h) í dysti móti Føroyum og Jóan Símuni Edmundsson

Mynd: (Álvur Haraldsen) Nemanja Vidic(t.h) í dysti móti Føroyum og Jóan Símuni Edmundsson

Gestur í Fótbóltspanelinum er Ólavur Larsen, fyrrverandi formaður í ÍF. Hann hevur drúgvar royndir handan leiktjøldini í føroyskum fótbólti. Hann kemur at siga sína hugsan um føroyskan pengafótbólt.

 

Mánadagin skrivaði Sosialurin um ÍF, sum hevur fingið bót frá FIFA. Ólavur Larsen kemur at greiða eitt sindur frá hvat fór fram, tá felagið fyrr í ár fekk bót frá FIFA.

 

Liðskiparin hjá Manchester United boðaði í gjár frá, at hann í summar takkar fyri seg í Manchester United. Nemanja Vidic hevur verið drúgvur fyri ensku meistarnar, men í seinastuni hava avrikini ikki verið eins sannførandi. Hvat ger Manchester United nú?

 

Eisini verður tosað um stóra mánakvøldsdystin í Premier League, sum Chelsea vann 1-0 á Manchester City. Umframt tað, so verður hugt fram til komandi vikuskiftið, har millum annað Liverpool tekur móti Arsenal.

 

Í fótbóltspanelinum verða Ólavur Larsen, fyrrverandi formaður í ÍF, og Tróndur Arge, ítróttarredaktørur í Miðlahúsinum.