Annika fær leikbann

Málverjin, Annika Fríðheim Petersen, hevur fingið leikbann í ein dyst eftir bláa kortið sunnudagin.

Dómarin vísir Anniku Fríðheim Petersen bláa kortið - Nú hevur hon fingið leikbann

Dómarin vísir Anniku Fríðheim Petersen bláa kortið - Nú hevur hon fingið leikbann

Heilt stóra samrøðuevni eftir spennandi dystin ímillum Kyndil og H71 sunnudagin, var støðan, tá ið málverjin hjá H71, Annika Fríðheim Petersen, fekk og blátt kort í eini støðu, tá ið hon - eftir at hava fingið eitt skot í andlitið á sær, hótti við at tveita bóltin eftir Karini S. Midjord, sum hevði skotið.

Sí eisini:

Reytt kort og drama á Hálsi

Dómararnir vístu bæði reyða og bláa kortið, og tað bláa merkti, at støðan skuldi viðgerðast víðari.

Tann viðgerðin er nú liðug, og Annika Fríðheim Petersen hevur fingið leikbann í ein dyst, sigur Ári Rouch frá Hondbóltssambandi Føroya.

Ári Rouch greiðir frá, at frágreiðing var skrivað og send H71 til hoyringar - og felagið hevði ongar viðmerkingar til frágreiðingina.

Málverjin er í løtuni í Íslandi við landsliðnum, og má bíða við at spæla við H71 til 8. desember. Hon skal sita leikbannið hjá sær 1. desember í dystinum millum H71 og VB í Hoyvík. 

Dómarin vísir Anniku Fríðheim Petersen bláa kortið - Nú hevur hon fingið leikbann