Aron var tvífaldur málskjútti

1. DEILD: Aron Clementsen legði upp til eitt mál og skoraði tvey, tá ið B71 vann ímóti HB

mynd: b71.fo

mynd: b71.fo

Eina løtu sá tað einki út hjá heimamonnunum, men tá ið dómarin bríkslaði fyri síðstu ferð á Sandi, vísti talvan 4-2.

Tað ger stóran mun hjá sandoyingum, at 23 ára gamli Aron Clementsen er komin at hjálpa til í barndómsfelagnum. Hann var við fyri fyrstu ferð í ár, tá ið B71 síðsta leygardag vann á útivølli ímóti AB, og í kvøld var hann sera eyðsýndur, tá ið næstbesta HB liðið vitjaði á Sandi.

Clayton Soares átti uppleggið, tá ið Aron Clementsen longu í 2. minutti legði B71 á odda.

Løtuna kring steðgin javnaði HB og legði seg framum 2-1. 18 ára gamli Leivur Fossdal Guttesen, sum fyri einari viku síðani flutti aftur í barndómsfelagið, eftir at hann hevur roynt seg í danska SønderjyskE, javnaði til 1-1 ein minutt undan steðginum, og tveir minuttir eftir steðgin legði Rói av Fløtum HB á odda 2-1.

Eitt stórt korter eftir steðgin javnaði B71. Clayton Soares, sum átti uppleggið.

 Eitt korter undan leikloki legði B71 seg framum 3-2. Clayton Soares skoraði, og Aron Clementsen átti uppleggið.

Heimaliðið hevði nógv fleiri hornaspørk og royndir ímóti málinum enn gestirnir, og í síðsta minutti staðfesti Aron Clementsen 4-2 heimasigurin.

HB hevur 18 stig, og B71 hevur 14 stig.

Í 11. umfari skal B71 spæla á útivølli ímóti 07 Vestur, og HB skal spæla á útivølli ímóti NSÍ.

mynd: b71.fo