B36 er uttan lokomotivið

Betri deildin menn: B36 skal í kvøld spæla týðandi dyst í Runavík, men tað verður uttan lokomotivið í álopinum

Í kvøld klokkan 20 spæla NSÍ og B36 við Løkin í Runavík. Fyri gestirnar úr Gundadali er týdningarmikið at vinna dystin, men tað verður uttan orkuríka áleyparan, Sebastian Pingel. Hann er leikbannaður.

B36 er í løtuni á triðja plássi við 37 stigum fyri 16 dystir, meðan heimaliðið er á fjórða plássi við 35 stigum fyri 17 dystir. Framamnfyri eru HB og KÍ við ávikavist 46 og 41 stigum fyri 17 dystir. KÍ og HB hittast í kvøld.

Tí er hetta upp á fleiri mátar ein týdningarmikil dystur fyri B36. B36 er í innanhýsis stríði við NSÍ um triðja plássið, sum kann geva atgongd til Evropa komandi kappingarár. B36 er eisini í kapping við KÍ um at bjóða HB av um FM. Eitt silvurheiðursmerki gevur við vissu eitt av teimum trimum plássunum í Evropa komandi kappingarár.

B36 hevur havt eina góða gongd í seinastu, har liðið hevur vunnið á øllum uttan HB. Eisini í Evropa. Ein lyklaspælari hevur verið orkuríki danski áleyparin, Sebastian Pingel. Hann hevur verið eitt satt lokomotiv í álopium í summar. Hann hevur leikbann, eftir at hann hevur fingið fýra gul kort. Tí verður nýggjur maður í álopinum.

Dysturin millum NSÍ og B36 verður klokkan 20. FM1 og In.fo hava beinleiðis frásøgn.

##med2## 

Liðtíðindi - B36:

Ikki við: Sebastian Pingel (leikbann), Hugin Samuelsen (búkskaði, ógreitt hvussu leingi), Erlendur Magnusson (knæið, óvist)

1.HB174046
2.173841
3.B36162937
4.NSÍ171835
5.Víkingur181032
6.ÍF18-1620
7.EB/Streymur18-2319
8.TB18-1610
9.AB18-407
10.Skála17-402

(faroesoccer.com)