FM1: VÍF vann oddabrakið í Hoyvíkshøllini

##med2##

VÍF vann á steypavinnarunum, H71 og er nú trý stig fremst í Burn Mansdeildini. 

VÍF vann 30-27 aftaná H71 hevði verið á odda 14-13 í steðginum. Í seinna hálvleiki stóð Mladen Mjerimacka væl í VÍF-málinum og hevði eisini brotskastsbjargingar.

Í høllini á Hálsi í Havn vann Kyndil heldur óvæntað 35-32 á Neistanum. Í steðginum var støðan javnleiku 18-18. Hetta kom illa við hjá Neistanum, ið hevði ætla sær at leggja eina frástøðu til KÍF og Team Klaksvík á stigatalvuni. Neistin hevur nú 17 stig, KÍF hevur 15 stig og Team Klaksvík hevur 13 stig. 

Mikukvøldið klokkan 20 sigur FM1 beinleiðis frá sera avgerandi dystinum millum KÍF og Team Klaksvík í Burn Mansdeildini. 

H71-VÍF 27-30 (14-13)

Toppskjúttar H71: Rúni Vest Højgaard 5 og Peter Krogh 4.

Toppskjúttar VÍF: Sjúrður Olsen 7, Julian Olsen 7, Filip Jojic 5 og Hanus Christophersen 5. 

Kyndil-Neistin 35-32 (18-18)

Toppskjúttar Kyndil: Bartal Klein Olsen 11, Anders Risdal 9 og Kristoffur Bjørgvin 8.

Toppskjúttar Neistin: Rasmus Søby 13, Karl Martin Olsen 4 og Johannes Bjørgvin 4.

Á ljóðfíluni omanfyri ber til at hoyra frá FM1:

1) Hoyr frásøgumannin hjá FM1, Sjúrð H. Hoydal siga frá dystarendanum í Hoyvíkshøllini.

2) Hoyr samrøðuna Sjúrður H. Hoydal gjørdi við toppskjúttan hjá H71, Rúna V. Højgaard.

3) Hoyr samrøðuna Sjúrður H. Hoydal gjørdi við annan av toppskjúttanum hjá VÍF, Sjúrður Olsen.