Hesar 22 kvinnurnar eru úttiknar til landsliðið

Jón Pauli Olsen, venjari, hevur nú úttikið ein bruttuhóp upp á 22 kvinnur til A landsliðið í fótbólti. 

Fyrst í apríl mánaða skal føroyska A-landsliðið við kvinnum í eldin aftur, tá føroyska liðið á heimavølli skal royna seg ímóti Bosnia og Norðurírlandi.

 

Í hesum sambandi hevur Jón Pauli Olsen, landsliðsvenjari, úttikið ein bruttohóp við 22 leikarum, ið skulu fyrireika seg til næstu HM-undankappingardystirnar.

 

- Vit fyrireika okkum so væl sum tilber, við minst einari venjing um vikuna, venjingardystum og eini venjingarlegu, sum verður um mánaðarskifti februar-mars, sigur Jón Pauli Olsen, við FSF.

 

Tær 22 kvinnurnar, ið eru úttiknar til føroyska landsliðshópin, eru hesar: Randi Wardum, Malena Josephsen, Rannvá B. Andreasen, Monika Biskopstø, Eyðvør Klakstein, Laila Pætursdóttir og Annika Petersen, allar úr KÍ, 

 

Sigrun K. Kristiansen, Ansy Sevdal, Íðunn Magnussen og Fríðrún Danielsen úr EB/Streymur / Skála.

 

Lea Reginsdóttir, AB. Lív F. Arge, Milja R. Simonsen, Elin Maria Isaksen, Nina Davidsen, Heidi Sevdal og Liljan av Fløtum Petersen úr HB. 

 

Ásla Johannesen, B36. Sigrid Petersen úr ÍF 

 

Oddrún Danielsen og Olga Kristina Hansen úr Østerbro IF í Danmark.

 

HM-undankappingardystirnir ímóti Bosnia og Norðurírlandi verða ávikavist 5. og 9. apríl.