Gentur U17: Taptu 2-0 fyri Aserbadjan

Aserbadjan vann uppiborið, men tað er einki at ivast í, at okkara gentur mentust nógv í hesum dysti, sigur Øssur Hansen

Føroyska liðið, ið byrjaði á vøllinum móti Aserbadjan - Mynd: www.FSF.fo

Føroyska liðið, ið byrjaði á vøllinum móti Aserbadjan - Mynd: www.FSF.fo

Føroyska U17-landsliðið við gentum tapti fyrsta dystin í UEFA menningarkappingini, sum í hesum døgum er í Hvítarusslandi. Mótstøðuliðið var Aserbadjan, sum vann 2-0

- Vit komu heldur illa frá byrjan, og longu eftir sjey minuttir vóru vit aftanfyri við tveimum. Men eftir hetta reistu okkara gentur seg ordiligani, og sum dysturin leið, so tordu tær betri at halda upp á bóltin, og føroyska spælið hekk meir saman. Vit komu eisini í nakrar góðar støður, men í avgerandi løtum manglaði tað síðsta, sigur Øssur Hansen, landsliðsvenjari, við heimasíðuna hjá FSF.

Føroyska U17-landsliðið við gentum, sum í hesum døgum tekur lut í UEFA menningarkapping í Minsk í Hvítarusslandi, tapti fyrsta dystin í kappingini. Mótstøðuliðið var Aserbadjan, sum vann 2-0.

- Aserbadjan vann uppiborið, men tað er einki at ivast í, at okkara gentur mentust nógv í hesum dysti, og vit gleða okkum av álvara til at sleppa á vøllin aftur, sigur Øssur Hansen.

Næsti dystur hjá føroyska liðnum verður hósdagin klokkan 10:00 (føroyska tíð), tá Kasakstan er mótstøðuliðið. 

Fakta:

Føroyar: 1. Hanna Hansen (M), 2. Birita Rasmussen, 3. Jórunn Justinussen, 4. Bergljót Hansen (16. Judith Rasmussen, 41’), 5. Nancy Einarsson, 6. Jenny Petersen, 7. Celia Toxborg (17. Sára á Líðarenda, 57’), 8. Karin Áslaksdóttir (liðskipari), 9. Ester Ellingsgaard (18. Kristina Nattestad, 77’), 10. Sunniva Willemoes (14. Fridrikka Clementsen, 16’) og 11. Malena Olsen.

Eykaspælarar: 12. Eyðbjørg Reynslág og 13. Rakul í Soylu.

Føroyska liðið, ið byrjaði á vøllinum móti Aserbadjan - Mynd: www.FSF.fo