H71 er steypavinnari hjá kvinnum

Fyri fyrstu ferð er H71 steypavinnari hjá kvinnum

H71-kvinnur hava vunnið fyrstu kappingina í kvinnuhondbólti nakrantíð

H71-kvinnur hava vunnið fyrstu kappingina í kvinnuhondbólti nakrantíð

Nú byrja ársins finalur í Faxe Kondi-kappingini

Lagt verður fyri við kvinnufinaluni ímillum VÍF og H71 klokkan 13.30

Tróndur Arge og Turið Arge Samuelsen siga beinleiðis frá á FM1 (HER), og dystargongdin kann fylgjast við tekstafrásøgn á in.fo niðanfyri

Steypafinala, kvinnur:

VÍF - H71 klokkan 13.30

Tíggju minuttir áðrenn dystarbyrjan

Leikarar eru lidnir við upphitingina og fara í skiftirúmini. Stórur fagnaður tá ið leikararnir ganga fram við áskoðarunum á langsíðuni

Átta minuttir áðrenn dystarbyrjan

Hugurin er øgiligur tá ið ljósið verður dempað og leikararnir gera seg til reiðar at renna inn

Fimm minuttir áðrenn dystarbyrjan

Leikararnir verða róptir inn og verða fagnaðir ein í senn, tá ið tær renna inn á vøllin. Allar leiða ein ungan fjeppara. Summar leiða ein fjeppara  í hvørjari hond.

Ein minutt áðrenn dystarbyrjan

Ljósið tendrar. VÍF ger klárt at byrja við bóltinum

0 min

VÍF byrjar við bóltinum.

Hesar byrja inni hjá VÍF:

Heidi Maria Akselsen, Ingibjørg Olsen, Agnas Olsen, Durita C. Jojic, Ró Nielsen, Lise Marie Evensen, Fríða Peternsen

Hesar byrja fyri H71:

Eva Barba Are, Marita Mortensen, Maria Halsdóttir Weyhe, Lív B. Zachariassen, Guðrið á Borg, Durita Toftum Joensen, Annika Fríðheim Petersen.

 5 min

4-3 VÍF

Liðini byrja við góðari ferð. Durita C. Jojic skorar sítt triðja mál fyri VÍF

7 min

5-4 VÍF

Fríða Petersen fremur tvær stórbjargingar á rað fyri VÍF. H71 hevur misnýtt trý álop á rað.

10 min

5-6 H71

Nú er VÍF eisini farið at gera mistøk.

Marita Mortensen leggur H71 á odda við frálíkum hoppiskoti

Durita C. Jojic skjýtur brotskast á stongina og út

13 min

6-7 H71

Durita C. Jojic hevnir seg við einum framúr hoppiskotið. Fjórða málið hjá láma stórskjúttanum.

Guðrið á Borg skorar av høgra vongi hjá H71 stutt eftir-

15 min

8-7 VÍF

DURITA JOJIC! VÍF-álopið er í stórum trupulleikum, men Durita tekur aftur sakina í egnar hendur.

Og so kemur pláss á høgru liðina hjá Duritu. Ró Nielsen tekur av og leggur VÍF á odda aftur.

17 min

8-8

Durita fær nú útvísing og Maria Weyhe setur brotskast í netið fyri H71.

Turið Arge Samuelsen rósar leikferðini á FM1. "Hetta er júst tað vit vónaðu at síggja"

20 min

9-9

Fríða Petersen er farin at bjarga oftari. H71 hevur skift Vár H. Thomsen inn fyri Anniku Fríðheim Petersen.

H71 skiftir eisini út á strikuni. Vár B. Zachariassen tekur av og javnar til 9-9

23 min

11-11

Ferðin er í topp. Randi Virgarsdóttir skorar eftir skjótt uppspæl av miðju, og Guðrið á Borg ger kynstrið eftir í hinum endanum. Triðja málið hjá Guðrið.

24 min

11-12

Ræðulig støða!

H71 fer aftur í skjótálop. Agnas Olsen rennur við Evu Barbu Arge, sum gerst frí ímóti VÍF-málinum.  Har tykist at vera kontakt ímillum Agnas og H71-aran.

Bólturin fer í málið, men Agnas Olsen hevur beklað í verjustøðuni. Hon má berðast av vøllinum í stórari pínu - Og verður víst reyða kortið!

26 min

12-12

 Fríða Petersen bjargar aftur, og VÍF gagnnýtur í hinum endanum

28 min

13-12

Durita C. Jojic enn einaferð! Dregur inn úr høgru og høggur bóltin yvir um aftur í hornið.

29 min

13-14 H71

Marita Mortensen ger sum Durita. Bara speglvent!

29 min

13-15 H71

Annika Fríðheim bjargar og sendur Evu Barbu í skjótálop aftur. VÍF rakar stongina og H71 hevur bóltin við hálvum minutti eftir. Tekur time-out.

29.57

13-15 H71

Eva Barba Arge rakar stongina. VÍF hevur tykið time-out við trimum sekundum eftir. Okkurt er áfætt. H71 eigur bóltin kortini, men fær ikki klárað ein møguleika áðrenn.

Hálvleikur

13-15 H71

33 min

16-15 VÍF

VÍF er byrjað øgiligt, revsar eina útvísing og skorar trý skjót mál. H71-álopið í trupulleikum!

34 min

16-17 til H71

Eva Barba Arge fær hol á fyri H71 áðrenn eitt skjótálop endar í brotskasti.

Fŕíða Petersen bjargar, men Maria Weyhe fangar returin og setur bóltin inn

36 min

16-17 H71

Marita Mortensen fær útvísing fyri skeiva útskifting. VÍF fær bóltin, og kemur til møguleika, men omanfyri. Marita Mortensen er á síni aðru útvísing.

38 min

16-18

Nú er aftur ein drúgvur steðgur. Dómarin, Dánjal Samuelsen, er vorðin skaddur. Eykadómarin Hannis Wardum traðkar til at døma saman við Hera Petersen, og nýggja dómaraparið dømir beinanvegin brotskast.

Maria Halsdóttir Weyhe skorar.

41 min

16-18 H71

Øgiligt drama nú! Fyrst krevur H71 brotskast, áðrenn VÍF vinnur sær brotskast í hinum endanum. H71-bonkurin fær gult kort fyri mótmæli, og so verður dømt yvirtraðk á brotskastinum. Síðani tveita bæði liðini bóltin burtur og krevja at dómarin dømir til sín.

"Her er kaos!" siga Tróndur og Turið á FM1

Annika Fríðheim Petersen bjargar nógv nú, men misnýtir møguleikan at tveita í tómt VÍF-mál.

"Synd at mistøkini koma nú í seinatu løtuni, sigur Turið á FM1"

45 min

16-19 H71

Lív Zachariassen fær hol á, tá ið hon brýtur fram við Duritu C. Jojic. Bólturin fer inn, og Durita fær tveir minuttir.

Størsti munurin í dag er veruleiki, men Fríða Petersen forðar fyri at H71 økir uppaftur meira. EFtir at Ró Nielsen hevur veirð óheppin at raka á stongina

VÍF tekur time-out.

47 min

17-19.

Uttan Agnas og Duritu tekur Ingibjørg Olsen ábyrgd við frálíkum hoppiskotið.

Marita Mortensen økir aftur við góðum skoti, men brennir so løtu seinni.

"H71 eigur at taka tað róligari sigur Turið á FM1

50 min

19-21

Vanligi strikuleikarin, Lív Ingdórsdóttir fær eitt framúr mál av miðjuni. Sleingir bóltin fram við miðverjuni hjá H71.

Marita Mortensen rakar stongina í hinum endanum.

"Hesaferð skuldi hon taka skotið, men var óheppin" sigur Turið

Durita Jojic minkar til 19-20 við enn einum øgiligum skoti av høgra bakki. Maria H. Weyhe økir í hinum endanum.

VÍF brennir og tíðin gongur.

"Minuttirnir ganga fyri H71" sigur Turið á FM1.

52 min

19-21

Viviann Petersen er komin inn í VÍF-málið til sín fyrsta dyst síðani FM-finalurnar í fjør. Og hon bjargar! VÍF í álopið fyri at minka aftur. VÍF spælir við sjey leikarum í álopinum.

54 min

21-23 H71

VÍF tekur time-out, men so verður bólturin tveittur burtur. Maria H. Weyhe skorar í tómt mál.

Ingibjørg Olsen minkar aftur um munin eftir góða fintu.

Marita Mortensen brestir bóltin í stongina og inn.

"Júst sama støða sum tá ið bólturin fór á stongina og út í áðni, siga tey á FM1.

Ró Nielsen skorar spískt og sera væl av vonginum. 21-23 og H71 tekur timeout.

Klokkan sigur 54.16. H71 hevur bóltin

22-23

Lív Zachariassen gerst frí men fær ikki bóltin inn. Á Fm1 ivast tey í um málverjin bjargaði ella um skotið rætt og slætt fór framvið

23-23!

Randi Virgarsdóttir javnar!

Fríða Petersen bjargar brotskasti!

VÍF hevur bóltin! 57:50 sigur klokkan!

H71-verjan lukkast nú! 23-23! H71 í álopið! Tveir minuttir eftir!

Durita Toftum sleppur leys! 24-23 til H71! Hálvur annar minuttur eftir!

H71-verjan fangar eitt innspæl. H71 í álopið aftur. á odda við einum! Ein minuttur eftir!

H71 vinnur 24-23!

Liðugt - H71 er Føroyameistari!

H71-leikarar og fjepparar skola inn á miðjan vøll. Tárini trilla á leikarunm. "Vit vistu at vit fóru at gráta meira um vit vunnu enn um vit taptu", siga steypavinnararnir við FM1, eftir at tær hava vunnið fyrsta steypið og fyrsta gullið í søguni.

 

 

H71-kvinnur hava vunnið fyrstu kappingina í kvinnuhondbólti nakrantíð