H71 slapp við skrekkinum í Vági

VB trýsti steypavinnararnar til tað síðsta - Gurið Krosslá Augustinussen var aftur á VB liðnum

Savnsmynd. Sofie Søberg og H71 máttu stríðast til tað síðsta fyri stigunum ímóti Dajanu Komenda og VB í dag

Savnsmynd. Sofie Søberg og H71 máttu stríðast til tað síðsta fyri stigunum ímóti Dajanu Komenda og VB í dag

VB setti Gurið Krosslá Augustinussen á vøllin fyri fyrstu ferð í ár, og hótti steypavinnararnar úr H71 allan dystin. Tað eydnaðist kortini H71 at vinna 23-21.

VB byrjaði væl í verjuni ímóti H71 í dag, og hevði eisini leiðsluna meginpartin av fyrra hálvleiki.

H71 slapp ikki í skjótálop, og VB fekk javnan mál í tolnum álopum. VB var á odda 4-2 og 6-3, og kundi helst eisini iðra seg um, at bert vera eitt mál á odda við steðgin. Tá var støðan 11-10 til VB.

H71 javnaði skjótt í seinna hálvleiki og legði seg á odda fyri fyrstu ferð eftir einar sjey minuttir. Tá var støðan 13-12 til H71.

VB javnaði, men H71 svaraði aftur við fýra málum á rað til 17-13. Hetta var avgerandi munurin. Tí aftur leikaði javnt á, og VB hevði støðugt hug at minka um munin.

Við tveimum verjuleikarum høgt á vøllinum, trýsti VB H71 til mistøk, men tað eydnaðist ongantíð at fáa munin niður um tvey mál. Seinastu tíggju minuttirnar vóru nervarnir í hásæti, tá ið liðini skiftust at skjóta mál - hóast tey ikki komu títt. Tað var H71 at frama, tí ein lætti hómaðist á steypavinnarunum við seinasta bríksl, tá ið talvan segði 23-21 til VB.

VB kundi iðra seg um, at tað ikki eydnaðist at basa favorittunum, hóast gott spæl. Men á stroymingini hjá VB tóktist semja vera um, at hetta var eitt gott avrik, ið gevur vónir um meira.

H71 leggur seg nú undir liðina á VÍF á stigatalvuni við tveimum dystum eftir at leika. VB hevur tríggjar dystir eftir at leika í grundspælinum.

VB - H71 21-23

VB: Slobodanka Bandobranski 7, Vár Brattalíð 5. Gurið Augustinussen 3, Rannvá Johannesen 3, Durita K. Hjelm 1, Rebekka Godtfred 1, Sofia A. Schrøter 1

H71: Maria H. Weyhe 8, Marita Mortensen 6, Guðrið á Borg 1, Sofie Søberg 1, Elisabeth H. Simonsen 1, Karin H. Simonsen 1, Bára Hansen 1, Eva Barba Arge 1, Durita Toftum Joensen 1, Christina Arge 1

Støðan í SMS-deildini (hsf.fo):

Fýra tey fremstu eftir 18 dystir spæla hálvfinalur

StøðanDystirVunnin málTapt málMunurStig
Kyndil164273329524
Neistin174223546824
H71164333656822
VÍF164313795222
Stjørnan16383439-569
StÍF16357461-1047
VB15321444-1234

Savnsmynd. Sofie Søberg og H71 máttu stríðast til tað síðsta fyri stigunum ímóti Dajanu Komenda og VB í dag