HB: Hesin er nýggjur kvinnu- og høvðusungdómsvenjari

- Týdningarmest er at menna menniskju, sigur Christopher Harrington.

Mynd: (Hb.fo) Gisli Sveinbjörnsson og Christopher Harrington

Mynd: (Hb.fo) Gisli Sveinbjörnsson og Christopher Harrington

Christopher Harrington er settur sum venjari hjá Betri kvinnum. Harumframt kemur hann eisini at virka sum høvuðsungdómsvenjarim skrvar HB.fo í dag. 32 ára gamli Christopher Harrington er úr Írlandi. Seinastu mánaðarnar hevur hann verið venjari hjá B71. Áðrenn hann endaði í Føroyum, var venjari í Íslandi.

– HB er mest vinnandi felagið i Føroyum. At gerast ein partur av hesum, og byggja víðari uppá hetta, er nakað sum tiltalar meg. Her eru nógv góð fólk virkin í felagnum. Fólk sum hava somu virðir og prinsippir sum eg, um hvussu eitt felag skal rekast, sigur Christopher um eina av orsøkunum til at hann nú hevur tikið við starvinum í HB.

Hann verður bæði venjari hjá Betri kvinnum og høvðusungdómsvenjari.

– Hjá kvinnum ynski eg at skapa eitt umhvørvi, har allar trívast. Hetta skal gerast við hørðum arbeiði, samstundis sum at vit skulu hava tað stuttligt. Í ungdómsdeildini vil eg framhaldandi menna leikarar, sum skulu spæla á bestu liðum felagsins. Men týdningarmest er at menna menniskju. Menniskju sum skulu gerast ein aktivur partur av felagsskapinum HB í fleiri ár, sigur Christopher Harrington við heimasíðuna hjá HB.

Formaðurin í ungdómsnevndini, Gisli Sveinbjörnsson, sigur at hetta er ein spennandi venjari at fáa í felagið:

– Hann er ein hart arbeiðandi, erligur og dugnaligur venjari, sum hugsar eitt sindur ørvísi í mun til tað sum vit eru von við í HB. Hann vil menna allar leikarar sum eru í felagskapinum. Hann hugsar um liðið fram um einstaklingar.

Sáttmálin við Christopher er galdandi til og við kappingarárið 2021.

Mynd: (Hb.fo) Gisli Sveinbjörnsson og Christopher Harrington