HB kann endurtaka bragdið frá 2018

Betri deildin menn: HB er fimm stig fremst og kann taka eitt risa hál móti FM, men tað verður uttan týðandi miðvallarar

Tað verður satt oddabrak í Betri deildini hjá monnum í kvøld, tá KÍ á øðrum plássi fær vitjan av HB, sum er oddalið í føroyskum fótbólti. Dysturin byrjar klokkan 18 og FM1 hevur beinleiðis frásøgn frá dystinum.

HB er fimm stig fremst í Betri deildini og kann við sigri taka eitt risa fet móti FM. Í 2018 vann HB FM í júst Klaksvík longu í 23. umfari tann 23. septembur. HB kann ikki vinna FM í kvøld, men við einum sigri verður HB átta stig fremst.

Soleiðis sum kappingin háttar seg í ár, so er ósannlíkt at HB setur nógv stig til, uttan í innanhýsis toppdystunum. Eftir hesa uppgerðina hava liðini bara eina innanhýsis uppgerð eftir. Hon er í 27. og seinasta umfari, tá KÍ aftur tekur móti HB í Klaksvík. Tað kann blíva ein FM-finala, men endurtekur HB bragdið frá 2018, tá liðið vann FM greitt, so verður enn ein FM-veitsla hjá HB í Klaksvík.

 Gestirnir úr høvðusstaðnum eru uttan René Shaki Joensen, sum fekk eina fipurspreingin undan landsliðssteðginum, og Mikkel Frankoch, sum framvegis hevur trupulleikar við fótinum. Teir hava verið týðandi menn í spælinum hjá HB í ár, men nú er Adrian Justinussen tøkur aftur. Óiva spælir hann onkran leiklut í kvøld. Teit Jacobsen er langtíðarskaddur, meðan Jákup L. Thomsen venur við, men sum skilst, so verður hann ikki at síggja á vøllinum enn.

 ##med2##

Sum vit hava skrivað fyrr í dag, so hevur KÍ fingið loyvini hjá slovenska miðvallaranum, David Skrbec, og pólska málverjanum, Lukasz Jarosinski upp á pláss. Hartil er Abubakar Ibrahim Aliyu úr Nigeria eisini komin til landið, og er tøkur at spæla. Tí bendir nógv á, at hetta verður ein dystur á høgum stigi í kvøld.

Liðtíðindi - HB:

Ikki við: René Shaki Joensen (fipur), Mikkel Frankoch (fóturin), Teit Jacobsen (knæið), Jákup L. Thomsen (knæið)

1.HB174046
2.173841
3.B36162937
4.NSÍ171835
5.Víkingur181032
6.ÍF18-1620
7.EB/Streymur18-2319
8.TB18-1610
9.AB18-407
10.Skála17-402

(Faroesoccer.com)