Heimir triðbesti venjarin mett í mun til allar ítróttargreinir

Í fjør gjørdi Heimir Guðjónsson tað sama í Vali, ið hann gjørdi í HB í 2018, og áðrenn tað í FH. Hann førdi Val til meistaraskapið. Valur vóru av koronaávum dømdir at vera íslendskir meistarar 2020 í heyst, men tá vóru bert fýra dystir eftir og Valur lá átta stig fremst tá avgerðin var tikin.

Stutt undan nýggjárinum velja íslendsk ítróttarmiðlafólk hvør er ársins íslendski venjari, og tá verður valt millum íslendskar venjarar í øllum ítrótti.

Elisabet Gunnarsdóttir sum er høvuðsvenjari hjá Kristianstad í bestu kvinnudeildini í fótbólti í Svøríki var vald til ársins íslendska venjara.

Gamli høvuðsvenjarin hjá HB endaði á einum triðja plássi. U21-landsliðsvenjarin hjá Íslandi, Arn­ar Þór Viðars­son gjørdist nummar tvey.

Fótbóltsvenjarar fóru við fýra teimum ovastu plássunum. Merkisvert er, at Þórir Her­geirs­son sum førdi norska kvinnulandsliðið í hondbólti til EM-gull fyri stuttum bara gjørdist nummar fimm.

Her eru tey sum endaðu ovast:

1.  Elísa­bet Gunn­ars­dótt­ir, fót­boltur, Kristianstad kvinnur, Svøríki – 133
2.  Arn­ar Þór Viðars­son, fót­boltur, U21-landsliðið – 55
3.  Heim­ir Guðjóns­son, fót­boltur, Valur menn – 23* (Heimir gerst nummar trý, tí fleiri ítróttarmiðlafólk hava hann sum nummar eitt samanborið við Þor­steinn Hall­dórs­son)
4.  Þor­steinn Hall­dórs­son, fót­boltur, Breiðablik kvinnur – 23
5.  Þórir Her­geirs­son, hond­bóltur, norska kvinnaulandsliðið – 20
6.  Guðrún Ósk Ámunda­dótt­ir, kurvabóltur, Skalla­grím­ur – 14
7.  Jón Þór Hauks­son, fót­bóltur, íslendska kvinnulandsliðið – 6
8.  Stefán Arn­ar­son, hondbóltur, Fram kvinnur – 1

##med2##