Barcelona innheintar Real Madrid

Lionel Messi, Neymar og Luis Suarez skoraðu allir fyri Barcelona í kvøld

Mynd: (Polfoto) Luis Suarez, Neymar og Lionel Messi skoraðu allir í kvøld

Mynd: (Polfoto) Luis Suarez, Neymar og Lionel Messi skoraðu allir í kvøld

Barcelona vann í kvøld 5-2 á Athletic Bilbao í sponsku landskappingini. Barcelona er nú bara eitt stig aftanfyri Real Madrid, sum í gjár tapti stórt fyri Atletico Madrid.

 

Les eisini: Real Madrid bank í grannauppgerð

 

Um ársskiftið var Real Madrid ikki til at koppa. Teir vunnu yvir tjúgu dystir upp í slag, men síðani ársskiftið hevur kongaliðið úr Madrid ikki spælt eins sannførandi. Hinvegin, so tykist Barcelona vera komið yvir kreppuna, sum lúrdi í felagnum samstundis.

 

Eftir at Real Madrid í gjár tapti 4-0 fyri Atletico Madrid, visti Barcelona at ein sigur í baskaralnadinum minkaði munin niður í eitt stig. Gestirnir úr Barcelona settu seg eisini á dystin frá byrjan.

 

Aftaná eitt korter legði Lionel Messi Barcelona á odda. Løtu seinni økti Luis Suarez, sum hevur verið fyri atfinningum, tí hann skorar ov lítið.

 

Í seinna hálvleiki skoraði Athletic Bilbao tríggjar ferðir, men tíverri fyri teir, so var eitt av teimum í egið mál. Tá so Neymar og innskifti Pedro eisini skoraðu, so endaði tað við 5-2 sigri til Barcelona, sum nú er eitt stig aftanfyri Real Madrid, og trý stig frammanfyri Atletico Madrid.