Hyggjarar sóu bara annað liðið

Hvítir leikbúnar og ein kavaklæddur fótbóltsvøllur er ikki ein góð samanseting fyri tey, sum hyggja at fótbólti í sjónvarpinum.

Tað var ein heldur margháttilig sjón á sjónvarpsskermunum kring heimin, tá ið Istanbul Basaksehir og Sivasspor leygardagin hittust í bestu turkisku deildini.

Tað hevði kavað illað í Istanbul hendan dagin, og hvítu búnarnir hjá gestunum úr Sivasspor vóru næstan ikki til at síggja á sjónvarpsskermunum.

Hvítu búnarnir og kavin á vøllinum fullu nevniliga í eitt, og hetta hildu hyggjarar vera heldur margháttiligt og løgdu hópin av skermmyndum á eitt nú Twitter.

Ein av hesum myndunum sæst omanfyri, har hyggjast skal rættiliga væl eftir fyri at finna allar leikararnar í hvítum búnum á myndini.

Dysturin ímillum Istanbul Basaksehir og Sivasspor endaði við 1-1-javnleiki.

##med2##

Hvítu búnarnir sóust betur frá vøllinum.