Heiðurin fyri ársins venjara í føroyskum hondbólti er júst latin.
Hjá monnum fall valið á Jeppe Borch úr Neistanum. Neistin vann steypakappingina og fekk silvur í landskappingini. Hetta er seinastu heiðurin hjá neistavenjaranum á hesum sinni. Hann takkar fyri hesaferð í Neistanum, og skal nú starvast sum ungdómsvenjari í danska stórfelagnum GOG.
Nummar tvey gjørdist Sonni Larsen úr H71 og nummar trý gjørdist Hjalmar Klein Olsen úr VÍF
Hjá kvinnum var lætt at velja. Bárður Johannesen vendi ringda byrjan hjá Kyndli til gull í bæði steypa- og landskappingini, og fekk tí heiðurin sum ársins venjari. Nummar tvey gjørdist Hallur Danielsen úr H71 og nummar trý gjørdist Ingi Olsen úr VÍF
