Jóannes: Hetta kann blíva ljótt

FSF Varpið: Hjálparvenjarin er ikki í iva um, at føroyska landsliðið má spæla betri í kvøld

Føroyska landsliðið leggur í løtuni síðstu hond á fyrireikingarnar til dystin ímóti Spania, sum sunnukvøldið verður á Estadio El Molinón í Gijon. Undir seinastu venjingini fekk FSF Varpið orðið á Jóannes Jakobsen

- Spanska landsliðið er heilt fantastiska gott, og tað verða nokk teir, ið koma at vera spælstýrandi ímóti okkum sunnukvøldið. So vit skulu fyrst og fremst syrgja fyri, at avrikið verður í lagi, sigur Jóannes Jakobsen, hjálparvenjari hjá A-landsliðnum við monnum, millum annað í samrøðuni við FSF Varpið.

- Vit hava millum annað hugt eftir dystnum millum Svøríki og Spania. Eg kann heilsa og siga, at tað var bara eitt lið á vøllinum - og tað var Svøríki, sum vit akkurát hava fingið bank ímóti, sigur hjálparvenjarin á landsliðnum.

Tað er í morgin, sunnudagin klokkan klokkan 19:45, at Spania og Føroyar fara á vøllin á Estadio El Molinón í Gijon í norðurspania. Í 1997 spældu Føroyar eisini undankappingardyst á sama stadion, og tá bleiv úrslitið 3-1 til heimamenninar. Føroyska málið skoraði Jens Kristian Hansen.

Í løtuni eru spaniólar fremst í okkara bólki við fullum stigatali, og teirra mál er at røkka 30 stigum, tá undankappingin er liðug. Hóskvøldið vann Spania 2-1 á útivølli móti Rumenia.

##med2##

FSF Varpið: Samrøða við Jóannes Jakobsen (Spania - Føroyar, sept. 2019)