KÍ vann Klaksvíkskappingina

KÍ vann á einum ungum Víkinga-liði í finaluni í dag.

Liðskiparin hjá KÍ, Jákup B. Biskopstø við steypinum KÍ fekk fyri at vinna Klaksvíkskappingina (Mynd: nordlysid.fo)

Liðskiparin hjá KÍ, Jákup B. Biskopstø við steypinum KÍ fekk fyri at vinna Klaksvíkskappingina (Mynd: nordlysid.fo)

Klaksvíkskappingin hevur verið hetta vikuskiftið.

Ígjár vann Víkingur 3-0 á HB og KÍ vann 4-1 á EB/Streymi.

Í dag vann HB 7-0 á EB/Streymi í dystinum um triðja plássi.

EB/Streymur hevði skift allar sínar leikarar út frá í gjár, meðan HB spældi við tí, sum líktist sterkastu uppstilling, skrivar Norðlýsið. 

Víkingur skifti eisini nógvar ungar leikarar út til finaluna móti KÍ í dag. 

Um finaluna sum KÍ vann 3-2 á Víkingi aftaná Víkingur hevði verið á odda 2-0 í steðginum skrivar Norðlýsið, at unga liðið hjá Víkingi avrikaði framúr væl, men ein stórspælandi Árni Frederiksberg vendi dystinum fyri KÍ í seinna hálvleiki.

KÍ-Víkingur 3-2 (0-2)

0-1: Rani Hansen 

0-2: Bergur Poulsen

1-2: Jóannes Bjartalíð

2-2: Árni Frederiksberg 

3-2: Árni Frederiksberg 

Komandi sunnudag klokkan 16 verður stórsteypadysturin millum FM- og steypavinnararnar, HB og NSÍ sum vann silvur í landskappingini í fjør leiktur á Tórsvølli.

FM1 sigur beinleiðis frá stórsteypadystinum. 

 

 

Liðskiparin hjá KÍ, Jákup B. Biskopstø við steypinum KÍ fekk fyri at vinna Klaksvíkskappingina (Mynd: nordlysid.fo)