KÍF snávaði móti StÍF á Skála

Tað sá gott út hjá KÍF í fyrra hálvleiki í dystinum móti StÍF á Skála í kvøld. Í steðginum var KÍF á odda 17-14, og tá vóru kollfirðingar á veg í FM-hálvfinalurnar í Burn Mansdeildini. 

Men StÍF vildi tað øðrvísi. Endin var, at StÍF vann 32-28, og vunnu strandingar sostatt seinna hálvleik 18-11.

Úrslitið merkir, at KÍF hevur enn ikki tryggjað sær pláss í FM-hálvfinalunum.

Vinnur Team Klaksvík á VÍF í Vestmanna komandi mikukvøld vera klaksvíkingar bert tvey stig aftanfyri KÍF. 

StÍF-KÍF 32-28 (14-17)

Toppskjúttar StÍF: Pætur Johansen 9, Bjarni í Selvindi 7 og Sveinur Justinussen 6.

Toppskjúttar KÍF: Nicklas Selvig 8, Hans Eli Sigurbjørnsson 6, Hørður F. Sigphórsson 4 og Rani A. Højgaard 4.

Í seinasta leikumfarinum í Betri Mansdeildini sunnudagin 28. mars hevur Team Klaksvík Neistan á heimavølli í Badmintonhøllini í Klaksvík. Sama dag spælir KÍF móti VÍF í Vestmanna. 

Team Klaksvík er betri innanhýsis enn KÍF, og enda bæði liðini á 18 stigum vinnur Team Klaksvík seg víðari í FM-hálvfinalurnar.