Kyndil hevur skund, men H71 vil neyvan lata oddasessin

Kyndil hevur tørv á stigum, men H71 verður tungur biti

Janus Jakobsen og Kyndil eru undirtippaðir ímóti Vilhelmi Poulsen og H71 í dag

Janus Jakobsen og Kyndil eru undirtippaðir ímóti Vilhelmi Poulsen og H71 í dag

Tá ið hesin sunnudagurin er liðin eru flestu liðini komin í helvt við teir 18 dystirnar í grundspælinum í Okkaradeildini, og nú byrja liðini at hava skund at staðfesta seg í kappingini um tey fýra fremstu plássini, ið geva atgongd til endaspælið.

Dagsins dystir eru hesir:

Klokkan 16.00: Kyndil - H71 í Høllini á Hálsi (FM1 sigur frá)

Klokkan 16.00: VÍF - KÍF í Høllini í Vestmanna

Klokkan 20.00 Neistin - StÍF í Høllini á Hálsi

Størstan skund av øllum hevur Kyndil. Kyndilsmenn munnu vera vónbrotnir um úrtøkuna higartil, men tað er ikki nógv, ið talar fyri at hon skal gerast frægari í dag ímóti H71.

Bæði Kyndil og H71 hava havt fittan steðg frá dystum. Ávikavist 11 og 14 dagar. Seinast kendu kyndilsfólk stóran sakn í høgra bakkinum, Anders Risdal, ið tey mugu vóna verður til reiðar at gera mun í dag, um tað skal eydnast at kløkka oddaliðið.

H71 hevur eisini verið nakað skert seinastu dystirnar - spurningurin tykist altíð at vera um Hilmar Leon Jakobsen er birgur, samstundis sum Elias Ellefsen á Skipagøtu hevur drigist við skaðar og sjúku. Spurningurin í dag er, um hesin steðgurin man hava gjørt H71-hópin enn breiðari til dystin ímóti Kyndli.

Sí eisini:

Rógvi aftur mist tonnina: - Eg havi smíligebiss

Innanhýsis dystir:

H71 – Kyndil 28-23
Okkaradeildin: 28/09/19
Málskjúttar H71
Leivur Mortensen7
Vilhelm Poulsen5
Peter Krogh5
Rúni Vest Højgaard3
Pauli Mittún3
Pætur Thomsen2
Pætur Mikkjalsson2
Bogi Hansen1
Málskjúttar Kyndils
Anders Risdal5
Rógvi Dal Christiansen5
Janus Jakobsen3
Kristoffur Bjørgvin3
John í Innistovu2
Tummas Pauli Hanusarson2
Hjalti Mohr Jacobsen2
Jóni G. Viderø1

Støðan í Okkaradeildini áðrenn dagsins dystir

NummarLiðDystirV.m.T.m.MunurStig
1H7172071654212
2StÍF8226220611
3VÍF82272111610
4KÍF8222204189
5Neistin8208195138
6Kyndil7182192-104
7Team Klaksvík8179264-850

Janus Jakobsen og Kyndil eru undirtippaðir ímóti Vilhelmi Poulsen og H71 í dag