VIDEO: Hæddarpunkt Spania-Svøríki 29-23

(Video) Síggj hæddarpunktini frá EM-finaluni í Zagreb í Kroatia

TRÝST á PÍLIN á MYNDINI, og síggj hæddarpunktini frá EM-finaluni í manshondbólti í Zagreb í Kroatia.

 

Spania vann ein tryggan 29-23 finalusigur á Svøríki. Upptøkurnar eru frá evropeisku hondbóltssamgonguni, EHF.

 

Um EM-finaluna skrivaði Jóannes Hansen m.a. á in.fo fyrr í kvøld: - Støðan í hálvleikinum var 14-12 til Svøríki.

 

Spania legði sera sannførandi fyri eftir steðgin, og tað vóru bara fýra minuttir farnir, tá ið talvan vísti 15-14 til Spania.

Eitt korter undan leikloki var málmunurin fimm – 21-16 til Spania. Harvið skoraði Svøríki bara tvær ferðir fyrsta korterið eftir steðgin, sum Spania vann 9-2.

Sviar funnu ongantíð lykilin til at svara aftur, tá ið Spania spældi við óvanliga framrættaðari verju. Teir royndu seg ikki við sjey ímóti seks og ongum málverja, og tá ið spanski málverjin bjargaði meiri enn aðru hvørjari roynd, so var spurningurin bara, hvussu stórur spanski sigurin fór at vera.

Tað endaði 29-23, og harvið hevur Spania skrivað seg millum EM vinnararnar í hondbólti fyri menn.