Liverpool orkaði betri enn Redbull

Champions League: Red Bull Salzburg kláraði í ein hálvleik at trýsta Liverpool

Tað var stórur spenningur í bólki E, har Red Bull Salzburg og Liverpool skuldu stríðast um eitt pláss í Champions League endaspælinum. Fyrri dysturin millum liðið endaði við 4-3 sigri til Liverpool á Anfield, men orkuríku eysturríkarnir vísti tá, at teir eisini kunnu spæla við.

Soleiðis var eisini á Red Bull Arena í kvøld, har Salzburg skuldi vinna fyri at koma víðari. Heimaliðið kundi havt skorað bæði tvær og tríggjar ferðir í fyrra hálvleiki, men Alisson Becker og Vrigil van Dijk stóðu í vegin. Í hinum endanum brendi Mohamed Salah tveir til tríggjar risa møguleikar.

##med2## 

Við tíðini setti Liverpool seg eitt sindur á dystin, men aftur tíðliga í seinna hálvleiki kundi Erling Braut Haaland lagt heimaliðið á odda. So kom gongd á verandi meistaraliðið í Champions League. Sadio Mané legði innfyri til Naby Keita, sum stútaði í eitt tómt mál. Ein minutt seinni riggaði hjá Mo Salah, sum úr spískum í høgru trillaði bóltin í málið, eftir at málverjin kom út.

Hetta tók eitt sindur av mótinum frá heimaliðnum, sum bara í løtum mgnaði at hótta málið hjá Liverpool, sum nú er víðari sum nummar eitt. Napoli vann 4-0 á belgiska Genk og er víðari sum nummar tvey.

Bólkur E:

Red Bull Salzburg – Liverpool 0-3 (0-0)

0-1  Naby Keita, 57

0-2  Mo Salah, 58

 

Napoli – Genk 4-0 (3-0)

1-0  Arkadiusz Milik, 3

2-0  Arkadiusz Milik, 26

3-0  Arkadiusz Milik, 38

4-0  Dries Mertens, 75 br

Støðan:

1.     Liverpool 13

2.     Napoli 12

3.     Red Bull Salzburg 7

4.     Genk 1